Fassinerende Mens

Wat sou u verwag van ‘n boek met die titel Fassinerende Mens? Die Duitse titel is Faszinierend Mensch. Ons herken hierin die Latynse woord fascinare (Engels facinate), wat oorspronklik betower beteken het, maar nou gebruik word in die sin van boeiend. Wat boei en fassineer ons? Wat begeester ons werklik? ‘n Skildery van ‘n groot skilder, die stem van ‘n sanger, die meevoerende speel van ‘n musikant, of ‘n vernuftige tegniese uitvinding?

Hierdie werk gaan oor die algemene vraag: Wat is die mens?

Die werk word in twee hoofdele verdeel. In die eerste deel staan wetenskaplike vakkennis voorop, terwyl die Bybel in die tweede deel die hoofrol speel. In die Duitse uitgawe word die hersiene Lutherse vertalings van die Bybel van 1956 en 1984 gebruik weens die kragtige taal. In die Afrikaanse uitgawe is die meeste verwysings volgens die 1983-vertaling van die Bybel, hoewel ander vertalings ook gebruik word soos aangedui.